सरकारले आजबाट लागू हुनेगरी गरिएको मूल्यवृद्धि फिर्ता गरेको छ।
सरकारले हिजो पेट्रोलियम पदार्थ तथा इन्धनलगायतको मूल्य वृद्धि भएको मूल्यसुची सार्वजनिक गरेको थियो।
सरकारले चाडबाड नजिकिदै गर्दा पेट्रोलियम पदार्थ र इन्धनलगायतको मूल्य बढाएर जनतालाई दुख दिएको भन्दै सर्वत्र विरोध भएपछी आज बसेको मन्त्रीपरिषदको निर्णयले पुरानै मूल्यसुची कायम रहने स्वागतयोग्य निर्णय गरेको छ।
सरकारले भारतीय आयल निगमबाट पेट्रोलियम पदार्थ र इन्धनको मूल्य बढेर आएको भन्दै पेट्रोल, मट्टीतेल , डिजेल तथा खाना पकाउने ग्यासको मूल्यमा वृद्धि गरेको थियो।
नयाँ मूल्यसूचीअनुसार पेट्रोलमा/ मट्टीतेल प्रतिलिटर रु. २.००, डिजेल प्रतिलिटर रु. ६.०० तथा हवाइ इन्धन( आन्तरिक) मा रु. ८.०० र खाना पकाउने एल. पी.ग्यासमा रु. २१५.०० ले वृद्धि गरिएको थियो।
प्रत्येक १५ दिनमा मूल्यसूची परिवर्तन भएर आउने पेट्रोलियम पदार्थ र इन्धनको मूल्यमा पछिल्लो समय थप वृद्धि हुँदै गएको छ। नेपालीहरुको महान चाड बडा दशैं नजिकिदै गर्दा खाद्यान्न लगायत थुप्रै वस्तुहरुको मूल्य दिनानुदिन बढ्दै गएको छ।
क्याटेगोरी : अर्थ, राजनीति, समाचार, समाज
प्रतिक्रिया