नेपाली राष्ट्रिय क्रीकेट टिमका कप्तान रोहितकुमार पौडेलले विभिन्न प्रतियोगितामा जित हासिल गर्दा सरकारले घोषणा गरेको पुरस्कारको रकम अहिलेसम्म नपाएको बताएका छन् ।
एसियायी खेलकुदमा भाग लिन आइतबार चीन प्रस्थान गर्नुअघी सन्चारकर्मीसङ्ग कुरा गर्दै उनले सरकारबाट घोषणा भएको पुरस्कार रकम पाउनेमा आशावादी रहेको उल्लेख गरे।
एसियाली खेलकुदको लागि आफ्नो टोलीको राम्रो तयारी रहेको र खेलमा मेडल जित्ने लक्ष्य रहेको उनको भनाइ छ। उनले भने, ` हामी सबैले राम्रो तयारी गरेका छौं, एसियाली खेलकुद खेल्न जाँदै गर्दा हामी उत्साहित छौं ।´
“तयारी अहिले राम्रो भइरहेको छ । अन्तिम १५ दिनयता हामी अभ्यासमा नै व्यस्त छौँ । एसियन गेम्सलाई लिएर सबैजना एक्साइटेड हुनुहुन्छ । हाम्रो मेन लक्ष्य मेडल जित्नै नै हो । त्यसको लागि जस्तो टिम भए पनि, बलियो वा कमजोर जस्तो भए पनि आफ्नो प्रोसेस हामीले फलो गर्नुपर्छ । टी–२० मा जे पनि हुनसक्छ । त्यसमा सबैजना जानकार हुनुहुन्छ । टी–२० क्वालिफायरभन्दा अगाडि टुर्नामेन्ट खेल्न पाएका छौँ । निकै महत्त्वपूर्ण हुनेछ,” उनले भने, “वान डे गेम गत वर्षदेखि खेल्दै आएका थियौँ । अब टी–२० मा जानुपर्नेछ । हामी टी–२० का लागि रेडी छौँ । ललित (ललित राजवंशी) लाई हामीले गेममा मिस गर्नेछौँ । वान डेमा पनि उहाँको ठूलो योगदान थियो । टी–२० मा डेथ ओभर एकदमै महत्त्वपूर्ण हुन्छ । जुन टिमले डेथ ओभरमा बेटर बलिङ गर्छ, त्यसैले जित्छ । त्यसका लागि हामी मिहिनेत गरिरहेका छौँ । ग्रासरुटदेखिका गेमहरू हुनुपर्छ । सरकारले घोषणा गरेको रकम कतिपटक भनिसकेका छौँ, अहिलेसम्म आएको छैन । आउँछ भनेर आशावादी छौँ । हेरौँ, के हुन्छ ।”
क्याटेगोरी : खेलकूद, राजनीति, समाचार
प्रतिक्रिया