किमाथांका ( संखुवासभा) :संखुवासभामा निर्माणाधीन ९०० मेघावाट क्षमताको जलविद्युत परियोजनाको काम ठप्प भएको छ।
विशेषगरि अरुण तेस्रो प्रवेशमार्गको छ्याङ्कुटी- दिदिङ पुकुवा सडकखण्डको मुआब्जा माग गर्दै स्थानीयहरुले झन्डै ३ सातादेखि काम ठप्प पारेका हुन् ।
स्थानीयले अवरोध गरेपछी अहिले जलविद्युतको विद्द्युतगृहको काम ठप्प छ
अरुण प्रवेशमार्ग संघर्ष समितिका संयोजक जनीकुमार राईले सरकारले आफुहरुको माग सुनुवाइ नगरेकोले आन्दोलनमा उत्रिनुपरेको बताउनुभएको छ।
स्थानीयहरुले अरुण जलविद्द्युत प्रवेशमार्गको छ्याङ्कुटी – दिदिङ पुखुवा सडकखण्डको २४ किलोमिटर क्षेत्रको मुआब्जा माग गर्दै छन् ।
छ्याङ्कुटीबाट पुखुवासम्म जम्मा ४ सय ५४ रोपनी जग्गाको मुआव्जा पाउन बाँकी छ। मुआब्जा रकम जिल्ला प्रशास्न कार्यालयको खातामा नआएसम्म अन्दोलन जारी राख्ने पीडितह्क्रुले बताएका छन् ।
अरुण तेस्रो निर्माण गरिरहेका भारत सतलज जलविद्युत निगमसंगको आयोजना विकास सम्झौता ( पीडिए) मा स्थानीहरुको अवरोधका कारण काम रोकिए दैनिक रु. ८ करोड क्षतिपूर्ति सरकारले बेहोर्नुपर्ने शर्त उल्लेख छ।
जिल्ला प्रशासन कार्यालयमा गठन भएको `छुट मुआब्जा निर्धारण समिति ´ ले गत बैशाख ६ गते छ्याङ्कुटी -पुखुवा सडकखण्डको प्रतिरोपनी ११ लाख ७५ हजार दिने निर्णय गरेको भएपनी हालसम्म प्रभावितले मुआब्जा पाएका छैनन्।
सो आयोजना सम्पन्न भएपछी नेपालले ९७ मेघावाट विद्द्युत नि:शुल्क बाल्न पाउने भनेका छन् । सो आयोजनाको लागि जम्मा १ खर्व १५ अर्व रुपैयाँँ लाग्ने अनुमान गरिएको छ। आयोजनामा नेपाली र भारतीयसहित ३ हजारभन्दा बढी मजदुर कार्यरत छन् ।
क्याटेगोरी : अर्थ, राजनीति, विविध, समाचार, समाज
प्रतिक्रिया