लगातारको बर्षासङ्गै आएको बाढीले सोलुखुम्बु दिप्लीको बेलिबृजमा क्षति पुगेको छ।
सोलुखुम्बु जिल्लाको थुलुङ दुधकोशी र सोताङ गाउँपालिका जोड्ने बेलिबृजमा बिहिबार आएको बाढीले थुलुङ दुधकोशीपट्टीको पुलको जग बगाएको छ।
दिप्लीको सो बेलिबृज सोताङ र महाकुलुङ जाने मुख्य मुख्य पूल भएकोले अहिले त्यहाँ सवारी आवतजावत ठप्प भएको छ।
सोताङ र महाकुलुङका मानिसले सदरमुकाम सल्लेरी र राजधानी आउन त्यही पुलको प्रयोग हुन्छ। तर पुलको जग नै बगाएपछि दुवै गाउँपालिकाबाट राजधानी आउने गाडीहरु दिप्ली पारी नै थन्किएका छन् ।
बिहिवारदेखि अविरल परेको वर्षा अहिलेसम्म नरोकिएको हुनाले आवश्यक सतर्कता अपनाउन सोलुखुम्बु जिल्लाबाट निर्वाचित हाल प्रदेश सांसद गोम्बु शेर्पा ( कर्ज्याङ) ले आग्रह गर्नुभएको छ।
सांसद शेर्पाले सवारी आवातजावतको लागि यथाशीघ्र वैकल्पिक मार्ग तयार गरि थुलुङ, सोताङ र महाकुलुङ गाउँपालिका ३ वटै स्थानीय सरकार, प्रदेश सरकार र संघीय सरकारलाई माग गरेको छ।
क्याटेगोरी : राजनीति, विविध, समाचार, समाज
प्रतिक्रिया