काठमाडौंमा तास खेलिरहेको अवस्थामा लाखौ नगदसहित २२ जना पक्राउ
प्रहरीले जुवातास खेलिरहेको अवस्थामा २२ जनालाई पक्राउ गरेको छ। काठमाडौं महानगरपालिका १४ का प्रज्वल श्रेष्ठको घरमा तास खेलिरहेका प्रज्वलसहित ७ जनालाई नगद ७२ हजार रुपैयाँ र १२ बुक ताससहित बुधबार प्रहरीले पक्राउ गरेको हो।
यसैगरी काठमाडौं महानगर ६ कपन सरस्वतीनगर बस्दै आएकी काभ्रेका ४५ बर्षीय लक्ष्मी तामाङको डेरामा तास खेलिरहेको अवस्थामा प्रहरीले तामाङ्सहित १५ जनालाई पक्राउ गरेको छ।
विशेष सुचनाको आधारमा कपन प्रभागबाट खटिएको टोलीले नगद १ लाख ४५ हजार ४ सय रुपैयाँ र ६ बुक ताससहित पक्राउ गरेको छ। दुवै घटनाबरे प्रहरीले थप अनुसन्धानका गर्दैछ।
#nepalgyan #news #kathmandu #nepal
क्याटेगोरी : विविध, समाचार, समाज
प्रतिक्रिया