बैतडी जिल्लामा नागरिकता भन्दा राहदानी बनाउनेको संख्या बढी देखिएको छ। जिल्ला प्रशासन कार्यालको तथ्यांकलाई हेर्दा नागरिकता भन्दा राहदानी बनाउनेहरुको सङ्ख्या धेरै देखिएको हो।
गत आर्थिक वर्ष २०७९/८० को तथ्यांकलाई हेर्दा छ हजार तीन सय ३८ जनाले नागरिकता बनाएको देखिन्छ। जसमा तीन हजार तीन सय ९६ पुरुष र दुई हजार नौ सय ४२ महिला छन् । जसमध्ये १२ जनाले वैवाहिक अङ्गिकृत नागरिकता बनाएको र ५ जनाले नेपालीले नागरिकता त्याग गरेको बैतडी जिल्लाका प्रमुख जिल्ला अधिकारी सुरेश पन्थीले बताएका छन् ।
त्यसैगरी आर्थिक बर्ष २०७८/७९ मा आठ हजार पाँच सय १४ जनाले नागरिकता लिएकोमा चार हजार दुई सय ५७ पुरुष र चार हजार दुई सय ५७ महिलाले नागरिकता लिएको देखिन्छ। त्यस्तै २० जनाले वैवाहिक अङ्गीकृत नागरिकता लिएका छन् भने ४ जना नेपालीले नागरिकता परित्याग गरेको छ।
आर्थिक बर्ष २०७७/७८ मा पाँच हजार पाँच सय ६४ जनाले नेपाली नागरिकताको प्रमाणपत्र लिएका थिए भने छ जनाले नागरिकता परित्याग गरेका थिए।
यसैबीच जिल्लामा राहदानी बनाउनेको संख्या ह्वात्तै बढेको छ। आर्थिक बर्ष २०८९/८० मा जिल्ला प्रशासन कार्यालयबाट दुई हजार छ सय ८० जनाले राहदानी लिएका छन् । जसमा दुई हजार चार सय ९६ पुरुष र एक सय ८४ महिला छन् ।
त्यस्तै आर्थिक वर्ष २०७८/७९ मा छ सय २२ जनालाई राहदानी वितरण गरिएको छ। जस्मा पाँच सय ३५ र ६४ महिला छन् । यस्का साथै द्रुत सेवाका लागि आठ सय ६ जनाले राहदानीको सिफारिस गरेको पाइएको छ।
आर्थिक बर्ष २०७७/७८ मा तीन सय ९२ जनालाई राहदानी वितरण गरिएकोमा चार सय ३१ जनाले द्रुत सेवाका लागि सिफारिस गरेका छन् ।
क्याटेगोरी : राजनीति, विविध, समाचार, समाज
प्रतिक्रिया